D'inciòstr indelèbil
/ 0
- Dettagli
- Categoria: Poesìe piemontèise
- Visite: 1263
Ans ël lìber dla vita,
col-là che i soma nen noi a scrive
anche se ij soma ij protagonisti,
ël tò bel nòm e car a mi
as cor apress ëd pàgina ën pàgina.
Fòra a pieuv gròss stassèira,
ma tra cole misteriose pàgine
a i é sèmper ël sol,
përchè it ses ti a anvischelo
con ël tò afet, con l’amicissia
che am serv a tiré anans.
Continuoma a passese la fòrsa
për afronté le nòste dificoltà,
guidand la piuma del destin
për che cola pì ancantà,
la pàgina pì bela ëd tute,
a deuvia ancora vnì scrita.
