Le fotografie a son sèmper servìe a buté an lus qualità e difet ëd chi a l’é fase imortalé. Se un a l’é brut da spaventese fin-a chiel dë ‘dnans a lë specc për aceté la soa brutëssa, figuromse se na fòto a peudrìa regalejë almen la decensa! Ansi: magara ël so nas ij smijrà ancora pì da pajasso e pien ëd ven-e varicose, ij dent giàun e stort, ij euj contornà ëd rupie. Tante vòlte a sarìa mej perde un pochi dë scat che i soma fase fé pena. Le qualità a l’han nen bzògn ëd sòn për fete giustissia.