Falcon an vòl
- Dettagli
- Categoria: Poesìe piemontèise
- Visite: 366
Ans ël poncin d’un concet
i stà sèmper ël ni
del sò biech osel da rapin-a.
Vàire passiensa venta buté
për soportesse quand
che la malora a và pì nen via.
Sèmper l’istess pass sbalià
sensa volontà ëd pogelo mal,
ansi: sercand la manera
ëd cambié ampostassion, quand
che oramai la giusta manera
ëd marcé a l’é cola-lì
për ti, për le toe abilità.
Ij car del pòr dësgrassià
a deuvo acetelo ëdcò parèj,
e chiel a deuv fé l’istess,
anche se l’istess a sarà pì nen.