Fosse facile
- Dettagli
- Categoria: L'Amicizia
- Visite: 387
La riceta dla felicità
a l’é facila e complicà
pròpi a l’istess temp.
Vedoma un pòch la preparassion…
Buté ant un-a cassaròla
soris vàire che basta e gnente ‘d pì
(se ‘s esagera as passa për balengo),
e fortun-a an gran quantità;
na fiësca ëd saviëssa se i n’a i è
e se a manca mej ancora;
un-a presa ëd garb a vasta nen;
ij amis a son mai pro,
come anche le amise…
ma atensiona a combineje
con deuit për nen sgairé tut.
Giunté un pòch ëd passion
ma sensa esageré né!
se nò la supa a ven picanta
e n’ingredient a scapa:
solitament col pì grassios dj doi.
E peui… savrìa gnanca pì dì!…
Ah sì: buté la bronsa ans ël fornel
për nen pì che un longh moment
e atension che a brusa nen.
La felicità a l’é un piat ampestà
da pronté e da nen fé andé a rabel.