Una poesia a caso...

• Na piassa ma veuida

  Una-a piassa veuida
  sota ij pé o dë ‘dnans a ij euj
  a l’ha ij sò vantagi:
  it deve nen ciamé përmess
  a gnun për fé dla stra.
  Ma a son pì ij dësvantagi
  a avèj gnun dantorn:
  se at capita dë sghijé
  ën tèra o ëd nen podèj
  fermé ël tò moral che dròca,
  a i é pa gnun a ambranchete
  an temp… Mach dòp
  an tanti a diran:
  «Pòver mat, podìa parlé...».
  Busiardas  d’un busiardas! La piassa
  a l’é nen veuida da jer,
  ma da tanti ëd coj ani
  che i l’hai perdune ël cont,
  e vojàutri seurte fòra mach adess
  për fé la limòsna?
  Preferiss ten-e mach ij vantagi.