Aspet inùtil
/ 0
- Dettagli
- Categoria: Poesìe piemontèise
- Visite: 148
Dura ròba a l’é speté
tuta na vita un’idèja
che ‘n fassa chërse
come òm an mes
a un miliard ëd simij,
con stesse qualità!
Për lassé un-a stàcia
dla pròpia stra i và
dj cararmà bin grev
sot a le scarpe!
Përchè la pieuva
sovens a tarda,
ma quand che peui dròca
spian-a tute le pianà!
As nas con an estr
da porté anans con fatiga.
Ma as nas tuti da soj
për volontà ‘d na mare
e për volèj d’un pare,
nen për decision nòsta.
Le idèje a peulo rivé
come peulo anche nen.
Speté venta, con passiensa,
ma ancamin che as serca.
