La roa a gira
/ 0
- Dettagli
- Categoria: Poesìe piemontèise
- Visite: 130
N’esagerassion d’aqua ‘n boca
finis sèmper d’andé ‘d travers
e ‘d ven-e spuvà fòra ëd brut,
për nen nié ant un colp.
Le emossion tròp violente
a fan pì mal che bin se
‘l pròpi cheur a l’é a arpos.
Ameve fieuj che feve tant bin.
Ma felo seriament, sensa pijé
ën gir chi i l’eve dë ‘dnans.
Chi a l’é da sota e l’afan
jë ambranca le cavije,
s’ampica a lòn che a peul
e an media un pòch pì su
i stan le cavije dl’àutr.
