Ant ël temp d'un-a fumada
- Dettagli
- Categoria: Poesìe piemontèise
- Visite: 1192
Na batùa silensiosa, na rijada
e na nòta con la pipa,
antant che scrivo sòn.
I son sol an tla mia stansa
cost saba sèira d’otóber,
ma con la ment i son pa sì.
Am capita sovens
ëd dëstacheme dal mè còrp
e ‘d gionté dla fantasìa
për feila a tiré anans,
angoiand ‘n àutr rat.
Tante còse i l’avrìa vorsù
e tante i son nen riessù a oten-e.
Stassèira fòra a fà frèid!…
Pa ver, che stùpida batùa.
La pipa a l’é bele finìa,
così come costa inùtila poesìa.