Grassie ai pontej
/ 0
- Dettagli
- Categoria: Poesìe piemontèise
- Visite: 1223
Se a i é na ròba importanta
an cost mond pien ëd faussità,
l’amicissia aussa la man
për pijesse la soa part.
A l’é un pò chila che fà
dësbardisse ij fior,
o che sofia an sle pale del mulin
quand che tira nen vent.
A l’é l’ùnich sentiment
gratùit e che it ciama gnente
ën cambi për esiste.
Ij palass peulo crolé,
un bòsch peul pijé feu,
l’amor ven-e tradì.
Ma l’amicissia profonda
(i l’hai dit amicissia, nen conossensa
mach) ën giuta e fà la diferensa.
