Ògni còsa a sò temp
/ 0
- Dettagli
- Categoria: Poesìe piemontèise
- Visite: 1184
Valentina, it sas nen lese
ancora, ma ij lìber
che i son an tla mia stansa
sëmnà daspërtut, t’anteresso
fin-a a la folìa o pì ancora.
Sfeujene un at piasèria
tut da sola, lìberament…
E invece tò barba
it lo lassa nen fé:
a l’é pròpi un dësdeuit,
i l’ha pa scrivije chiel
dòp-tut!… Përdonme Valentina,
ma adess ij lìber scrit
(sensa figure veuj dì)
at fan gòj mach da s-cianché!
