Una poesia a caso...

• Deme na rason

  Përchè dovrìa pianté lì ‘d fumé
  la pipa, come la sigala,
  se ancor ancheuj ‘s vëd nen
  ans ël mè camin gnente
  che smija a la felicità?
  Evidentement son pì nen tajá
  për le robe fàcile, e no!
  A mi am toca ‘d tribulé
  fin che le scarpe ‘m serviran pì
  e fin-a quand për torné polid
  ël mè corp dovrà speté
  la prossìma ondà ‘d pieuva.
  Mi pijo ij piasì che peuss
  da costa vita che cor
  sèmper pì fort come na disperà,
  come che fan tuti chi conòss.
  Ognidun as pija ij cit piasì
  che ‘l destin ij buta davzin.