Seugn

Valutazione attuale:  / 0

Dettagli

Categoria: Poesìe piemontèise

Visite: 1164

Valentina, fin che ij tò euj
i la fan a sté duvert
e a resiste al seugn,
ti it veule giughé.
Ma còsa i é dë stran?
It ses svicia da fé invidia
a chi as chërd pì furb
dj àutri, përchè chiel-lì
a lë chërd, ti it lë ses.
Simpàtica, birbànta,
cara e bravisima,
munìa d’un candor
che gnanca un linseul
pena seurtù da la lavatriss
a peul vanté d’avej.
At manca la fermëssa
për aceté la neuja,
për sòn fin che it calo nen
ij montagnin da la seugn,
giugoma tuti ansem!

• < Prec
• Succ >