Scondù malament

Valutazione attuale:  / 0
ScarsoOttimo 

301

Polissìe doméstiche: che fatiga
fé sèmper l’istësse assion,
arpete ij istess moviment
dla sman-a pena passà
con l’aspirapóver, o con lë strass.
Për nen parlé dë scoé
tuti ij moment e frocioné
an ògni canton, quand che peui
la póver a l’é lì che speta
l’artorn dla calma sospirà
për podej torna setesse.
Epura venta bin combate
costa bataja contra ël nemis
e inquilin d’ògni ca!
A paga nen l’afit
e peui chi a l’ha ciamala?…
Però sèmper arcordandse
che la guèra a sarà mai finia,
ma pura che venta arlegresse
e argiojì fin-a an fond a la via
ëd vince ògni di na bataja.

Informazioni aggiuntive