Domande an tla fumèria
/ 0
- Dettagli
- Categoria: Poesìe piemontèise
- Visite: 1204
Antratant che stassèira
i fumava con la pipa
bin carià ëd tabach pien,
i son ciamame sensa pensei
se tut lòn che i peuss fé
i son ëncamìn a felo.
Vardandme andrinta
forse peudrìa risponde ëd sì.
Ma sùbit dòp i taco
a vardeme fòra…
e alora cambìa la rispòsta.
Nò… e nò përchè i son
pì nen bon a feme furb:
sveuidé la fuma a metà,
buteme le scarpe pì còmode
e andé ancontr al mè destin.
I son ancora nen fame na rason
ëd come i son vnù
e ëd come i son ancora: sol.
