O parèj o gnente
/ 0
- Dettagli
- Categoria: Poesìe piemontèise
- Visite: 1171
Quand che an italian
i riesso nen a concentreme,
lo seve lòn che i faso?
Për prima còsa am saro
an tla mia stansa
e am seto a la scrivanìa;
peui, se i l’hai veuja,
am cario un-a fuma
e capita sèmper che l’anvisco
(con la fnestra sbajà nè);
pijo un-a piuma an man
e faso për buteme a scrive
lòn che am passa për la ment.
Ma giuda-fàuss! La pipa
as dëstissa, se smòrta;
e për serché un brichèt
e podèj torna fé del fum,
am dësmentio dl’idèja
pena vnua… Parèj ciarea poesìa!
