Disme la verità
/ 0
- Dettagli
- Categoria: Poesìe piemontèise
- Visite: 1429
Vàire vòlte la ciòca a l’ha sonà
për dime ëd perde pì nen temp
e dë deme na bogià
a trovete për esse content.
Ancora lontan continuoma
a serchesse sensa sosta:
chisà, magara doman
a sarà la vòlta bon-a.
Davzin a ca mia
la ciòca dla cesa am fà companìa
minca n’ora dasendme
ël sens del core del temp
che am separa da ti
che it ses la mia speransa,
la mia bela aspirassion…
ma ëdcò la mia trista lontanansa.
Foma pì nen soné a veuid
cola ciòca sensa trovesse…
pitòst dismlo ciàir ëd pì nen spetete.
