Sì, a chi i piaseria nen
scrive un lìber strabiliant?
Mi a l’è da ani che i penso,
ma peui le idèje resto andrinta
përchè s’ampiglio ant ël canal
che dal servel porta a la man.
Mila vòlte son già butame
a machinè per almen imbastì
na stòria a la sua manera sensà.
Ma le paròle son peui sèmper mës-ciase
e col feuj l’è finì ant ël sëstin.
È che i l’hai già prová a cambié biro;
i l’hai fin-a dà a colpa al feuj.
Alora son butame al compiùter…
fin che i l’hai capì che faso bin
a righè drit an ufissi!
E peui voria mai esse amá
da na dona mach për la fama
che un bel lìber am darìa.
Për sòn a l’è forse mej
esse mach bon a scrive poesie
che fama la dan quasi… fam!