La vis universal
/ 0
- Dettagli
- Categoria: Poesìe piemontèise
- Visite: 1193
Con na vis it peule fermé
un panel balarin,
un véder a l’intelaiadura,
ël sënturin a na mostra.
E peui basta dovré
l’istess arnèis ëd prima
për torna dësvisela.
Ma quand che a bogé
a l’è quaicòs dë scondù
giù andrinta a noi,
a serv pa nì tornavis,
nì martel, nì tnaja
për arportelo a la fermëssa.
Sì i va la fortun-a:
cola che it fas da ti.
