Le care dla serp
/ 0
- Dettagli
- Categoria: Poesìe piemontèise
- Visite: 1188
Peul esse che la corussion
it peussa fé pensé
che al mond esista quaicòs
ëd pì car dl’afet.
Për esempi: l’òr sbaluca
con ël sò brilié van,
vist che ‘l valor d’un element
a l’é mach un-a licensa
dàita da ij perzonè cativ
e dai lor guardian.
No, vardte bin dai specc
për ij cretin, da l’aqua
lìmpida ma anvelenà,
dai elògi regalà
e 'd nen avej dla póver
ant ij euj: ij compliment
a valo mach se merità.
