Na balada sensa mùsica
/ 0
- Dettagli
- Categoria: Poesìe piemontèise
- Visite: 1121
Sì, mi i sai fé balé le paròle
anche se minca tant
a l’é strach l’orchestrant
e a son strache le balarin-e,
ciamà a fé certe evolussion
an tera e an aria
për fé piasì al pùblich.
E peui për còsa?
l’amor a sa gnanca lese,
la salute as ne cura nen,
l’alegrìa a l’é stàita fora
da costa fòla banda ëd foj.
Ma adess a l’é da sola
a speré ant un anvit a balé.
Le paròle a son gnente
e as divertisso gnanca lor...
se gnun le anvita mai an pista.
anche se minca tant
a l’é strach l’orchestrant
e a son strache le balarin-e,
ciamà a fé certe evolussion
an tera e an aria
për fé piasì al pùblich.
E peui për còsa?
l’amor a sa gnanca lese,
la salute as ne cura nen,
l’alegrìa a l’é stàita fora
da costa fòla banda ëd foj.
Ma adess a l’é da sola
a speré ant un anvit a balé.
Le paròle a son gnente
e as divertisso gnanca lor...
se gnun le anvita mai an pista.
