Na piassa ma veuida
/ 0
- Dettagli
- Categoria: Poesìe piemontèise
- Visite: 1138
Una-a piassa veuida
sota ij pé o dë ‘dnans a ij euj
a l’ha ij sò vantagi:
it deve nen ciamé përmess
a gnun për fé dla stra.
Ma a son pì ij dësvantagi
a avèj gnun dantorn:
se at capita dë sghijé
ën tèra o ëd nen podèj
fermé ël tò moral che dròca,
a i é pa gnun a ambranchete
an temp… Mach dòp
an tanti a diran:
«Pòver mat, podìa parlé...».
Busiardas d’un busiardas! La piassa
a l’é nen veuida da jer,
ma da tanti ëd coj ani
che i l’hai perdune ël cont,
e vojàutri seurte fòra mach adess
për fé la limòsna?
Preferiss ten-e mach ij vantagi.
