Natal a l'é passà
/ 0
- Dettagli
- Categoria: Poesìe piemontèise
- Visite: 1155
Ant ël mè cheur
la mostra a l'é fermasse
pròpi col di che ti
(savrìa ancora nen përchè)
it ses dësmentiate ëd brilié
ans ël mè presepio.
Natal a l'é n'àutra vòlta passà
sensa arsèive i tò auguri
e sensa che ti it feisse viva,
come la comeda an sla caban-a.
A podìa nen esse diferent:
i pastor son pa vnùit
a nonsieme ël tò soris
che tornava, dòp tanti ani
d'indiferensa e dë spale voltà.
E forse a l'é stait mej parèj:
cola mostra a ripartirà mai pì,
ti... comeda d'un àutr presepio.
la mostra a l'é fermasse
pròpi col di che ti
(savrìa ancora nen përchè)
it ses dësmentiate ëd brilié
ans ël mè presepio.
Natal a l'é n'àutra vòlta passà
sensa arsèive i tò auguri
e sensa che ti it feisse viva,
come la comeda an sla caban-a.
A podìa nen esse diferent:
i pastor son pa vnùit
a nonsieme ël tò soris
che tornava, dòp tanti ani
d'indiferensa e dë spale voltà.
E forse a l'é stait mej parèj:
cola mostra a ripartirà mai pì,
ti... comeda d'un àutr presepio.
