'N àutr ani sensa ti
- Dettagli
- Categoria: Poesìe piemontèise
- Visite: 1413
Ciàu mia stèila, com éla?
Ancheuj pieuv come Dio a la manda
e as peul gnanca seurte
sensa parapieuva an sla testa.
I l’hai navigà un pòch ën Internet
con ël van propòsit ëd trovete
e fé la toa conossensa…
Ma gnente: it ses nen fate vëdde
gnanca sta vòlta lì danans.
E parèj gnanca ancheuj
i soma conossuse e ‘l cel
a l’ha pianzù për gnente,
come anche ij nòsti cheur:
doe stèile nen ancora dl’istess cel.