Ne val mai la pen-a

Valutazione attuale:  / 0

Dettagli

Categoria: Poesìe piemontèise

Visite: 1174

Sagrinesse për gnente
a l’é pa un-a ròba bin fàita.
Pitòst sforste a trové
ël meud, la manera
ëd rivé a la felicità,
e për fé sòn it ses da sol
an prinsipi e certe vòlte
costa condission perman
për tant ëd col temp…
La felicità at marcia dacant:
ti it la vëdde nen
përchè chila a l’é trasparenta
e it peule gnanca tochela.
Ma a bin penseje
che scheur a sarìa
mangé na mnestra già digerìa
da un àutr prima da noi!
A l’é sèmper sbalià sagrinesse,
peui ancora për gnente…

• < Prec
• Succ >