Sensa pì scuse
/ 0
- Dettagli
- Categoria: Poesìe piemontèise
- Visite: 1149
Quand che l’Univers a l’era
na massa sensa un aspet,
nì forma, nì color definí,
i j’era comprensibil sté ferm
për ògni element che componiva
cost càos primordial.
Ma cola fase primitiva
oramai a l’é ma-pì stòria,
o materia dla fìsica.
Adess a l’é straora
ëd trové la fòrmula chìmica
dla felicità anche për mi…
për noi doi, e ‘d combiné
ij nòsti element chìmich
për fé nasse quaicòs ëd bon,
o mej... quaidun.
