Quat sòld

Valutazione attuale:  / 0

Dettagli

Categoria: Poesìe piemontèise

Visite: 1203

Sacòce pien-e ‘d nen
e euj che a ciamo ëd pianze,
quand che a son pì nen bon
gnanca a fé sòn.
I l’avìa catala për mi,
sognand d’andeje a sté
un di con un-a fija
che am vorèjssa bin.
E al contrari i la lasso ën fit
a dj àutri… L’umor a l’é nèir,
anche se tuti am diso
che a va bin parèj.
I sai pì nen lòn che pensé
për consoleme ëd cost nen
che am ciapa a còl
come se vorèissa ancadneme.
Peui am buto le man
an tle sacòce... e dacant
a le ciav e a col nen,
adess i treuvo quat sòld almen.

• < Prec
• Succ >