Pensomje pì nen
/ 0
- Dettagli
- Categoria: Poesìe piemontèise
- Visite: 1282
Fra noi a peudìa nen andé bin.
Quand che fasìo l’amor
i j’ero sèmper an tre cogià
ans ël mè let a doe piasse
(mi, ti, pì n’àutr an tla toa testa),
e a mi sòn a l’ha nausiame.
E peui (nen për esse gram, nè!)
già ti it ne vale për doe,
pì mi, a i ero an tre
cogià ans ël mè matarass
con l’arzigh dë sfondelo.
Adess ti it porterìe anche
ël tò frust spasimant nel cheur.
E ën quat tuti concentrà
an bel mes del let,
la tëmma mia a l’é
cola ëd fé na visita
a sorprèisa e për sòn sgradìa
al mè avzin dë sota!
