Dòmino e le soe cioche
- Dettagli
- Categoria: Poesìe piemontèise
- Visite: 1447
Ël vin, da la damigian-a
a le pinte, venta bin
travaselo, përchè dësnò
ampinì ij bicer ai comensaj
vnuit a disné da ti,
it farìa andé giù l’èrnia!
Tiré ël vin a l’é n’operassion
da fé con dëuit e rigor:
venta bin cinesse mila vòlte,
stasend atent a nen trabalé
da la strachità dë sté cinà
e, a la fin, fin-a droché…
an sle bote pien-e
e tute davzin-e lògicament!