Le trasse bin trassà

Valutazione attuale:  / 0

Dettagli

Categoria: Poesìe piemontèise

Visite: 1265

A son bele le trasse
che a vardo ans ël cors,
o dzora a ste stra del Centro.
A son bele për chi a i passa sota,
imaginand come che a dev esse
bin sistemà l’alògg che a sbaluca
grassie a lòn che ‘d sò a fà vëdde.
Vas ëd fior che a smijo
fin-a fint tant che a son bej;
muraje ambiacà, e ‘l sol che a i bat
lì contra a smija esse pì ciàir.
Ma come ògni còsa invidiabila,
dòp ël doss a i é tant d’amèr…
Pogieul o trassa che a i è,
a son tuti ij di da polidé
e it vas mai, se nen a frocioné!

• < Prec
• Succ >