An tla giaca

Valutazione attuale:  / 0

Dettagli

Categoria: Poesìe piemontèise

Visite: 1252

Con certidun a l’é dificil
për da bon esse diplomàtich
anche se i soma diplomà.
A l’é che l’antipatia
a ston-a sèmper e comsëssìa,
e a dipend da l’ignoransa
pì përfonda che esista.
La gramissia peui a nass
pròpi da l’esse bon a nen,
dal moment che, mancand àutr,
i riess a tuti esse gram.
Liberesne a l’é ròba dura
sia për chi n’a fà le spèise,
sia për ël badòla malavi ëd sòn.
Për sòn a l’é motobin mej
lassé perde la diplomassìa
e giré a la larga, tnindse
le pròpie rason e lassand
al selvajon la giaca strafognà.

• < Prec
• Succ >