Le ùltime doe smens
- Dettagli
- Categoria: Poesìe piemontèise
- Visite: 1084
A l’ero restame ancora
doe smens da campé ‘n tera
e ancheuj (con na paura a còl…)
i l’hai faje droché da la man,
sperand che la giustissia
as decidèissa a buteje del sò…
Na smens ant un pra
e l’àutra ant ‘n àutr…
Lòn che as peudìa fé i l’hai falo,
për sòn adess am buto ël cheur
e ij nerv an santa pas
e i m’arbuto a speté
che la novela stagion an ariv
a porta an sti làver un neuv soris.