L'evasion d'amor
- Dettagli
- Categoria: Poesìe piemontèise
- Visite: 1185
Un-a tórtora ën tràpola,
un-a volp finìa a piòte lëvà,
un can dòp esse stàit bastonà,
un gat dòp un càuss bin dàit,
un passaròt sensa rama
da posesse për arpijé fià,
sopaté l’ale doleuri dal longh volé
e mochesse ël bèch.
Quaicòs ën manca
e d’àutr i n’avrìo da manca.
Ma lòn che i l’oma
a bastërìa pro
për fenë sentì sgnor.
Dame un sègn d’esiste
che mi comenso a vnì
a lìberete. Peui a ti,
da lìbera, it sarà facil
dësgropé l’àutr përzoné: mi.