Chi a trufa ëd pì?
/ 0
- Dettagli
- Categoria: Poesìe piemontèise
- Visite: 1232
Doi giugador ëd carte
a fan mai na partìa
dìspar e onesta
se a dé le carte
a son lor doi:
na vira un, na vira l’àutr.
Chi a taca për prim
a mës-cé e a deje via,
a l’ha un vantagi smisurà
rispet al sò aversari:
col ëd podèj taché a trassé për prim,
e a l’é pròpi nen na ròba da pòch.
Fin che as gieuga sensa sòld,
tuti e doi a ghigno na vira e bòn
dëscorvend la furbarìa dl’àutr.
Ma quand che ën palio
a i é anche la facia,
o un’amicissia, o chissà…
ël dëscors a cambia ëd brut.
