Se i fussa ancora chiel
/ 0
- Dettagli
- Categoria: Poesìe piemontèise
- Visite: 1181
Cost mè vive ans ij ricòrd
a fà mal a gnun
fòra che a mi. Ma le nostalgìe,
le tënrësse, ël ciàir
che anluminava la stra
na vira, fòra a i é pì nen,
però sì andrinta éh:
ës smortrà nì doman nì mai.
Doman a sarà torna Pasqua
e për sòn s’andarà al pais
a mangé con ij parent.
Ma al ristorant, pa dai noni…
Ma se i fussa ancora ël cé
viv e nen bòrgno,
veuj vëdde come che andaria:
«Fomne! ai fornej coragi, sa!
Ancora st’ani as mangia a ca.»
