Sentusse nié
/ 0
- Dettagli
- Categoria: Poesìe piemontèise
- Visite: 1210
Mi i l’hai già travërsà
mar e àut mont
për trové la mia stra.
Ma adess che i penso
e che am vardo dantorn,
am rendo bin cont
d’esse ancora a la partensa.
I devo avej marcià
për ani sensa un but,
chërdind d’esse bele rivàit
chissà anté, e al contrari...
Intré a ca mia ëd via Magenta
am fà un efet ancheuj;
un-a ca ën órdin ma dësabità,
a l’é come finì an mes al mar
e nen esse bon a noé.
