La pontura
/ 1
- Dettagli
- Categoria: Poesìe piemontèise
- Visite: 1257
Na vòlta o l’àutra a capita
ëd dovejsse dëscuaté na ciapa
për fesla foré da n’àutr.
La uja a fà sèmper un pòch efet
a vëdse, ma se bin indirissà
e con la giusta fòrsa da l’anfermé,
a fà pròpi gnente mal
quand che a fora la pel.
Però peui la meisin-a inietà
la ciapa a invade ël mùscol,
e, va a savèj përchè,
n’urtija an tle mudande
a sarìa men fastidiosa!
Për fortun-a a mi le ponture
mle fà mè papà, mama
jë fà da anfermera
passandje ij strument.
E mi i buto ma-pì la ciapa!
