Ël mass sensa përfum
/ 0
- Dettagli
- Categoria: Poesìe piemontèise
- Visite: 1765
Ancheuj i son sortù
për andé a ca mia-mia
e a metà stra, ans ël cors,
i l’hai dovù ralenté
përchè am sentiva grev.
Epura i l’avìa adòss
la sòlita giaca ëd pel
con sota na felpa, le braje
e le scarpe da ginàstica
che i pòrto sèmper quand
che i vado nen an ufissi,
e ‘n pì i l’avìa gnanca
la mia borsa ëd coram
an spala... Ma ën sacòcia
i l’avìa quatòrdes ani ëd travaj
e pì ancora e a son pa pòchi.
Le ciav ëd ca mia-mia
për intré, resté vàire che veuj
e seurte quand che me smija, peui.
