E peui gnente
- Dettagli
- Categoria: Poesìe piemontèise
- Visite: 1297
Ma che Mond ampestà
a l’é mai vnuit sòn che vivoma!
Pa pì gnente a l’é sicur,
a part ël mon... ancora adess,
ma a resta la paura che ‘l govern
a fasa frané fin-a sòn.
Pòvra Italia e pòvri italian…
al di d’ancheuj venta avej ij euj
bin duvert fin-a quand che ‘s deurm
për nen arzighé ëd dësvijesse
ans na banchin-a na matin,
con un fiasch mes veuid ëd branda
an sacòcia, un mal a la bornìa
da steje sèch, sensa pì pòrtafeuj
e sensa gnanca pì ciav ëd ca.
Ij governant atuaj a son falabrach!
e ij àutri?… Ëd pes an mal!