Andoa it ses?
/ 0
- Dettagli
- Categoria: Poesìe piemontèise
- Visite: 1572
La toa lontanansa
a l’é come avej
n’ortija an tle mudande
e le doe man lijà darera.
A l’é come un supplissi,
come ancorzisse a l’improvis
che ël portafeuj a l’é sparì
e gnanca un làder lì davzin
për ciameje se a l’ha vistlo.
La toa lontanansa
a l’é greva da soporté,
ma gnente pì che gnente
se a i fusso doe volontà
dë spianela. Un-a a j'é,
ma comsëssìa në servo doe
për livelé doi mond diferent.
Për sòn fà ti, ma decid lest.
