L’òm a l’é l’ùnica rassa ëd creatura
che respira a mostré prima ij frut
e mach dòp tanti ani le ràis.
O mej: rivrà un di
che ij frut, finia la madurassion
e dëstacasse da le rame,
podran esse content, o men,
ëd mostré le ràis
che con tant amor, o nen
(për eror disoma, o legerëssa…),
i l’han sëmnaje an cost camp
pien ëd blëssa, ëd maravija,
ma ‘cò ëd tanta ingiustissia.
E alora decidran se mostreje,
o scondje a ij àutri: magara
frut d’àutri àrbit bastard.